出黎搵呀婆笨？而家班婆婆冇咁蠢架啦！
政情：民調撐長者津貼查資產
長者生活津貼嘅討論進入最後直路，支持同反對設立資產審查陣營嘅角力日漸白熱化，據聞港府內部仲有秘密武器喺手，呢個就係民意戰必備嘅民意調查。
消息指，長者生活津貼不撤銷資產審查係港府嘅底線，原因係政府內部民調顯示，支持長者生活津貼設立資產審查嘅比率大比數拋離撤銷資產審查，不過最後關頭係咪會將之公諸於世，呢個就未有定案，相反泛民獨沽一味只懂發動「口水戰」，究竟港府同泛民主派為咗打民意戰仲有乜撒手鐧隱而未發，呢個大家要拭目以待喇！
長者生活津貼嘅民意戰正在上演，據聞港府正採取「多條腿走路」嘅方法，首先早前動員部分社福界巨頭同學者出嚟撐長者生活津貼，有建制派中人更特別指出，擁有泛民背景嘅民主黨「大腦」羅致光同公民黨鄭宇碩罕有地站在同一陣線撐政府，絕對係難能可貴，甚至幫港府喺呢場民意戰爭番唔少分數。
泛民失民意仍死咬不放
另一方面，港府內部亦密切注視民意變化，據聞政府內部民調支持長者生活津貼設立資產審查嘅比率，大比數拋離支持撤銷資產審查，不過最後關頭係咪會將之公諸於世，呢個就未有定案。至於一向愛做民調製造民意嘅泛民主派為何至今未有動作，有知情人士相信其實係別有苦衷，皆因民意今次唔係企喺佢哋嗰邊，佢哋惟有一招走天涯，繼續向港府發動「口水戰」期望民意出現轉向。
不過，泛民主派豈會因少少挫折就自行退出長者生活津貼呢個戰場，相反更進一步「死咬唔放」。話說立法會福利事務委員會尋日選出工聯會陳婉嫻做主席後，工黨張超雄即刻出手動議押後本月二十六日喺財委會審議長者生活津貼，不過由於動議未經預告，僅由嫻姐事後去信政府希望當局不要視本月二十六日為撥款嘅死線喎，睇怕愈臨近審議之期，支持同反對陣營為咗爭民意只會有更多短兵相接嘅場面出現。
