王議員賣廣告呀！
http://www.metrohk.com.hk/index.php?cmd=detail&id=199672&search=1
| NEWS力場 |
|
  |
|
|
王國興話食人奶 先做到議員 政府計劃立法規管3歲或以下幼兒配方奶 產品成分，將銷售手法定為守則展開兩個月嘅公眾 諮詢，噚日立會嘅事務委員會開特別會議，聽吓各界意見。 個會
係講規管問題，但唔知點解，好多出席團體都用咗好大篇幅，講餵哺母乳有幾好。就連工聯會議員王國興，仲用埋自己做「人辦」嚟證明母乳嘅好處?。興哥話：「首先我要多謝我媽媽，我食母乳長大，可以做到3屆立法會議員，證明食母乳真係有用！」 母乳真係好有威力喎，興哥做到議員都靠人奶，但興哥無講，要食到幾大先得呢？食幾多先有佢咁嘅成就呢？如果邊個想做到議員，真係要由依家開始，畀仔女食人奶，咁第日就會有個議員仔議員女囉。 醫護界嘅李國麟就冇講佢有冇食人奶，但就心水清話母乳嘅好處係毫無爭議，問題係政府點樣規管啲失實嘅廣告啫。 醫院藥劑師學會亦話，廣告通常都誇大咗奶粉嘅功效，副會長蘇曜華仲話：「好似乳酸菌，的確有研究顯示對某啲腸病患者可以改善腸胃，但根本對嬰幼兒未有大型研究，顯示有效改善便秘問題。」 港九藥房總商會理事長劉愛國就認為，立法規管會影響家長認識產品嘅知情權，同埋多多少少會影響零售商生意。唔同嘅奶粉 生產商就話世衞都係建議規管6個月以下嘅奶粉 推廣手法啫，但港府就管到36個月，管得太多啦。
|
|
